Feria del libro aragonés

PRENSAS UNIVERSIDAD DE ZARAGOZA // GRAMÁTICA BÁSICA DE L’ARAGONÉS // JUAN PABLO MARTÍNEZ CORTÉS

Esta obra colectiva ye una completa descripción gramatical de l’aragonés como sistema lingüistico autonomo. Refleixa lo conoiximiento actual sobre esta luenga romanica, partindo d’os elementos y usos lingüisticos documentaus en os dialectos vivos de l’aragonés, contextualizandolos y complementando-los, quan ye preciso, con os usos testimoniaus en aragonés historico.
Los parladors d’aragonés i trobarán una ferramienta que les permitirá d’identificar y d’ubicar la suya parla como parte d’un sistema lingüistico mas amplo. Los estudiants, estudiosos y atras personas interesadas en l’aragonés i trobarán una obra de referencia que describe las caracteristicas fonolochicas y morfosintacticas que definen y identifican l’aragonés, asinas como una detallada descripción d’a suya variación interna.

ESTUDIO DE FILOLOGÍA ARAGONESA
Lo Estudio de Filología Aragonesa (EFA) ye una entidat creada lo 15 de chuliol de 2006 por lo II Congreso de l’Aragonés. Formau per lingüistas, estudiosos, escritors y parladors d’as diferents variedatz de l’aragonés, entre los suyos obchectivos se troba: investigar las manifestacions orals y escritas de l’aragonés; inventariar y actualizar lo suyo lexico, toponimia y onomastica; y investigar y formular las leis gramaticals, ortograficas y fonicas de l’aragonés en totas las suyas variedatz. La present obra ha estau elaborada per una Comisión Redactora coordinada per Juan Pablo Martínez Cortés, Santiago J. Paricio Martín y Francho Rodés Orquín, y aprebada per lo Pleno d’a entidat. Entre las publicacions previas de l’EFA, destaca la Propuesta Ortografica de l’Academia de l’Aragonés, publicada en 2010.


Dónde

Monzón

Día

07 Dic 2021

HORA

12:30 pm - 1:00 pm

Autores que colaboran

EDITORIALES que colaboran

Tipo de evento

Deja una respuesta

Tu dirección de correo electrónico no será publicada. Los campos obligatorios están marcados con *

Scroll al inicio

Accede a FLA