S’EMBOIRA EL ZIEL. BALBASTRO 1064. La primera cruzada
Sinópsis:S’emboira el ziel ye una novela que se fa eco d’un evento istorico prou importán: la espedizión d’un eixerzito franco, comandau per Guillem d’Aquitania y el normando Robert Crispin, que va esnavesar diferens puertos d’el Pirineu ta achuntar-se en Graus con las tropas aragonesas d’el rei Sancho Remírez y las catalanas d’Armengol III d’Urchel, amás d’atras collas d’el sureste franzés y d’Italia. L’obchetivo melitar yera prener la gran ziudat musulmana de Balbastro. Correba l’año 1064.
Biografía José Solana Dueso
Va naixer en Plan, en l’año 1946. Va estudiar filosofía en las universidaz de Zaragoza y Barcelona. Se va doctorar con una tesis adedicada a’l sofista griego Protagoras d’Abdera, per la que va ganar el premio estraordinario. Ha adedicau la suya vida a la dozenzia y la investigazión: primer, como catedratico de filosofía en enseñanzas medias y, dimpués, dende 1990, como profesor titular y catedratico de la Universidat de Zaragoza. Ha publicau troballos d’investigazión sobre filosofía griega: se’n puede fer menzión d’es siguiens libros: Teofrasto. Sobre las sensaciones (1989); Aspasia de Mileto. Testimonios y discursos (1994); Los sofistas. Testimonios y fragmentos (2013); y, Más allá de la ciudad. El pensamiento político de Sócrates (2013). Tamién ha publicau tres novelas relazionadas con la cultura y la filosofía griegas: La malva y el asfódelo (2006); Ciudadano Sócrates (2008); El canto del filósofo (Edhasa 2014). Las suya zaguer produzión s’enradiga más en el país suyo. Los amantes de Chistau (Prames, 2016), El siñor de San Chuan (Gara d’Edizions, 2017) que va ganar el premio Arnal Cavero d’el Gubierno d’Aragón en 2017, y versionada en castellano como El señor de San Juan (Prames, 2017).